AFANDE ANUSULIKA KIFO BAADA YA KUJIPIGA RISASI KISA MBWA ALIYEFUKUZA KIBAKA.

                                       Afande Ally Chinga

      Na Dustan Shekidele,Morogoro.

AsKARI Mgambo wa kampuni moja ya Ulinzi’Security Guard’ Mkoani Morogoro Ally Chinga amenusurika kifo baada ya kujipiga Risasi  wakati akijiandaa kukabiliana na Mwizi aliyevamia lindo lake usiku mnene.

Taarifa za tukio hilo zinadai wakati wa pulukushani hiyo Afande huyu amejikuta akijipiga risasa  kwenye mkono wa kushoto wakati akihangaika kuvua bunduki aliyoivaa kwenye bega la kushoto.

Kufuatia taarifa hizo za kusigitisha Mwandishi wa habari hizi alimtafuta Afande huyo kwa lengo la kupata simulizi kamili ya mkasa huo.

“Siku ya tukio  nikiwa nimejificha kwenye eneo la giza kama kanuni zetu za ulinzi zinavyotuelekeza,huku nilikuwa na Mbwa anayenisaidia kwenye ulinzi.

Siunajua hatuluhusiwi kulala  kwenye lindo hivyo katika hali ya kupoteza usingizi niliamua kucheza gemu kwenye simu.

Majira ya saa 8 usiku Mbwa alinusa harufu akastuka bila kupiga kelele kwa sababu alikuwa na mafunzo ya Ulinzi nilipoinua macho nikamuona mwizi anataka kuluka ukuta aingie ndani.

 Kama unavyojua hiyo ni kama vita hujuia anasilaha gani huyo mwizi hivyo nikashusha bunduki kwenye bega ghafla mbwa aliyekuwa amelala chini alinyanyuka fasta amfuate mwizi ile ananyanyuka kagusa kitako cha bunduki ikanyanyuka kuja kwenye kifundo cha mkono wangu nikagusa sehemu ya kushuti bunduki ikafyatuka na kunijeruhi  kwenye mkono”alisema Afande huyo na kuongeza.

Hata hivyo namshukuru  Mungu bila kujeruhi mkono huenda Risasi zingepiga kichwani na kufumua ubongo wangu. Wakati hayo yakiendelea Mwizi huyo aliyekuwa na wenzie walikimbia na mimi kuomba msaada kwa majirani walifika na kunimbiza hospital”alimalizia kusimulia Afande huyo.

Baada ya maelezo hayo Mwandishi wa habari hizi alipata uwanja mpana  wa kuliza maswali.

Mwandishi. Kwa mtazamo naona hali yako  kiuchumia sio nzuri swali langu umeumia ukiwa kazini je kampuni  inakusaidia kwa kiwago gani kwenye tatizo hili?

Afande Ally. Naishukuru sana kampuni yangu imenisaidia kwenye matibabu zaidia ya lakini 7 wamelipa kama unavyoona hivi vyuma vya nje ya mkono ‘Antena’ imegharamia kampuni yangu sitaki kuwa mnafiki kwenye hili wamenisaidia kwa sehemu yao.

Mwandishi je kwa sasa unachangamoto gani kuhusiana na jereha hili?

Afande Ally. Changamoto ni nyingi kila siku natakiwa kikasafishe kidonda na kufunga bendeji Mpya gharama yake kila siku ni elfu 7 bila kusafisha kidonda mkono unaweza kuoza na kupelekea kukatwa hivyo kila siku zaidi ya mwezi sasa nalipa elfu 7 kunusuri mkono wangu usikatwe.

Nimeuza hadi simu yangu kukabiliana na gharama hizi lakini bado kwa sasa japo sijazoea nalazima kwenda mjini kuomba msaada kwenye maduka ijumaa na jumapili nakwenda kwenye nyumba za ibada kuomba msaada.

Mwandishi. Ulipowauliza madaktari hali hii ya kufunga kidonda itachukua muda gani?

Afande Ally. Wamesema inategemea maendelea ya kidonda lakini inaweza kuchukua mwezi na zaidi hivyo naomba wasamalia wema watakaoguswa changamoto yangu wanisaidie hiyo elfu 7 ni nje ya nauli ya kutoka nyumbani kila siku kwenda hospital ya Mkoa.

Mwandishi. Sawa toa namba ya simu kwa mtu atakaye guswa akuchangie chochote kitu.

Afande Ally. Simu sina kama nilivyokueleza nimeunza kukabiliana na matatizo haya.

Mwandishi. Huna namba ya mtu nayemuamia mfano mke wako au mwanao?

Afande Ally. Kweli mke wangu anasimu lakini namba yake sijaishika kichwani tukionana tena nitakupa.

Mwandishi ok sawa pole sana kwa changamoto hii haya ni mapito nakuombea kwa Mungu akivushe salama ili urejee kwenye hali yako ya kawaida.

Afande Ally Asante sana na wewe ubarikiwe kwa sapoti yako ya kuripoti changamoto zangu kwenye vyombo vya habari.

 

Alipotakiwa kueleza tukio hilo Afande Ally a

 

 

HABARI KALI YA KITAA. WAPANGAJI WAMUWEKA KITI MOTO MWENYE NYUMBA KISA LUKU.

 Kamwenye Jembe halimtupi mkulima, Mwandishi wa Mtandao huu akivuna mkungu wa ndizi

                      Na Dunstan Shekidele Morogoro.

Kama kawaida Kila Jumatatu Mtandao Pendwa wa Shekidele unarusha habari kali ya wiki.

 

Kutokana sababu zilizo nje ya uwezo wetu jana Jumatatu hatukuweza kurusha habari hiyo na Mbadala wake inaruka leo Jumanne, hivyo tunaomba radhi kwa usumbufu uliotokea kwa wasomaji wetu.

 

Baada ya ufafanuzi huo tuingie kwenye habari hiyo kali iliyosakwa wiki iliyopita, ambapo wapangaji Kata ya Tungi Manispaa ya Morogoro wameitisha kikao na kumuweka kiti Moto baba Mwenyenyumba wao wakipinga kumlipia kodi ya jengo la nyumba yake kupitia michango ya Luku ya Umeme wanachanga.

Baada ya Mwandishi wa habari hizi kurambishwa ubuyu huyo na wambea wa Mtaa ,alimtafuta baba Mwenyenyumba huyo ili kusikia kauli yake. 

 

Baba mjengo huyo aliyeomba hifadhi ya Jina lake alithibitisha kuwekwa kiti Moto na wapangaji wake na mahojiano yetu yalikuwa hivi.

 

Mwandishi. Mzee mshikamoo.

 

Baba Mjengo. Marahaba karibu sana.

Mwandishi. Asante Mimi ni Mwanahabari nasiki hivi karibuni

wapangaji wako walikuweka kiti moto Agenda ya kikao hicho ilikuwa ni ipi?

 

Baba Mjengo. Yaani ni Mambo ya ajabu sana mimi na nyumba yangu wapangaji wananinyanyasa jambo ambalo sikubaliani nalo.

Nyumba hii inavyumba 15 kila mwezi tunatumia umeme wa elfu 15 hivyo kila mpangaji kwa mwezi analipa elfu moja ya Umeme.

Agenda ya kikao hichowanadai kila mwezi wananilipia Kodi ya jengo kupitia Luku hivyo wamehitaji walipe mia 9 hiyo mia nilipe mimi kama kodi ya jengo langu wao hiyo kodi ya jengo wanadai haiwahusu.

 

Mwandishi. Kwa hiyo umekubari kufanya hivyo?

 

Baba Mjengo sijakubari baada ya kikao wote nimewafukuza kwenye nyumba yangu, Mgosi watu hawana shukrani.

Mimi ninanyumba Tatu hii hapa Morogoro na mbili ziko nyumbani Tanga nyumba zote 3 kila moja inavyumba 15

 

Miaka yote ikifika mwenye Mtukufu wa Ramadhan mwezi huo wapangaji wangu wote hawalipi kodi wanakaa bure kama sadaka yangu ya mwenye mtukufu wa Ramadhan.

 

Leo hawa wapangaji wa Morogoro wananiweka kiti moto kwa shilingi mia moja malalamiko hayo wangeya peleka Tanesco walioweka kodi ya Jengo kwenye Luku. 

 

Mwandishi. Je umeshapata wapangaji wengine na kama umepata Elimu gani juu ya shwala hilo la Luku ili usije kuwekwa tena kiti moto ?

 

Baba Mjengo nimepata baadhi ya wapangaji vyumba vingine havijapata wapangaji, kila mtangaji anayeingia namueleza swala hilo nashukuru wote walioingia wanajitambua baadhi wamesema nyumba walizotoka kwa mwezi walikuwa wakilipa umeme mpaka elfu 5 kuwambia hapa kwangu umeme kwa mwezi elfu moja wameshangaa sana nashukuru wapangaji wangu hawana vifaa vinavyo kula umeme mwingi.

 

Mwandishi Asante kwa ushirikiano yako.

 

Baba Mjengo. Ok asante na wewe kwa kuja ila ombi langu ndugu Mwandishi kata yetu hii ya Tungi tuna kero kubwa ya Maji hebu tusaidie kupaza sauti kwa viongozi.

 

Mwandishi. Sawa nitafanya hivyo.

MBWA ASABABISHA AFANDE AJILIPUE RISASI

 

INASIGITISHA SANA

 Mbwa asababisha Afande ajilipue na Risasi Mkononi.

 Askari huyo anayetepembea na vyuma mkononi kasimulia A-Z alivyonusurika na kifo.

 Habari hiyo  itaruka hewani hivi punde hivyo endelea kuwa jirani na Mtandao pendwa wa shekidele  upate habari Moto Moto za chini ya Kapeti.

PART TWO STORY YA KIBWANA SHOMARI.

Ticha Majuto akizungumza na Mwandishi wa habari hizi juzi huku akiwa ametinga jezi ya Geita Gold yenye jina la Offen Chikolla aliyeiadhibu Yanga .

lkumbukwe Chikolla Mkazi wa Vibanda Kata ya Mbuyuni Manispaa ya Morogoro, Mara baada ya kutoka Moro Kids alijiunga na Geita Gold ya Mkoani Geita, timu hiyo iliposhuka daraja msimu uliopita Chikolla ametimkia Tabora United.

Kibwana shomari akiwa na jezi ya yanga huku akionekana mwenye hudhuni kubwa.

Kibwana shomari[kushoto] na Nickson Kibabage[kulia] wakiwa na Ticha Majuto mara  baada ya mazoezi ya timu ya Moro Kids.

Ticha Majuto[kati] akiwa na Nickison Kibabage[kushoto] na Kibwana Shomari

Ticha Majuto [kulia] aliyeketi juu akiwa na winga hatari wa Tabora United Nyuki wa Tabora Muuaji wa Yanga Offen Chikolla [kushoto] aliyevaa Flana nyeupe akiwa na kocha wake aliyeibua kipaji chake

 Kikosi cha Moro Kids Under 15 kilifanikiw akutwaa Ubingwa  wa ligi ya watoto iliyofanyika uwanja wa Jamhuri Morogoro.

Dickson Job akiwa na kombe la ubingwa huo.

 

Kocha Hassan Mnyani ‘Maarufu Ticha Majuto’ kushoto waliosimama,akiwa na baadhi ya wachezaji nyota wa Simba, Yanga na Tabora United enzi hiyo wakiwa wadogo kwenye timu ya Moro Kids Under 16.

 

 

ISHU YA KUSUGUA BENCHI, MAKOCHA WALIOIBUA KIPAJI CHA KIBWANA SHOMARI WAMSHAURI MCHEZAJI WAO KUONDOKA YANGA.

                                         Kocha Majuto

                                     Kocha Hussein Mau

                                                        
 

                        Na Dunstan Shekidele,Morogoro.

KAMA Kawaida mtandao pendwa wa Shekidele wiki nzima unasaka habari moja kubwa iliyochukua nafasi kwenye mitaa na kuiongezea ‘nyama’ kwa kuzungumza na wadau wanaohusika na habari hiyo kwa lengo la kupata ufafanuzi zaidi.

 

Wiki iliyopita Fagia la Mtaa lililobebwa na Mwandishi wa Mtandao huu lilizunguka mitaa mbali mbali ya Mji Kasoro bahari ‘Morogoro’ likifagia mitaa kwa lengo la kusaka habari kubwa ya wiki. 

 

Fagia fagia hiyo ilishuhudia Wanamorogoro wakilalamika kitendo cha mchezaji wao kutoka Milima ya Kinole Morogoro Kibwana Shomari kuwekwa benchi na nafasi yake kucheza Denis Nkane ambaye ni mshambuliaji anayetokea winga ya kulia. 

 

“Mimi ni shabiki wa Simba kwenye hili niwe mkweli,baada ya Yanga kumsajiri Yao Yao Kwassi kibwana Shomari kukaa benchi niliafiki Kwa sababu Kwassi anauwezo mkubwa kuliko Kibwana.

Baada ya kwassi kaumi nilitegemea Mluguru mwenzangu Sekulu Kibwana angepata nafasi ya kucheza, kwa mshangao wawengi Kocha wa Yanga kaendelea kumuweka Kibwana benchi kamtoa Nkane Mbele aje kucheza nafasi ya Kibwana hii kwangu sio sawa” alisema Joseph Msimbe.

 

Kufuatia malalamiko ya wadau hao wa soka mkoa wa Morogoro Mwandishi wa habari hizi aliwatafuta Makocha wa Moro Kids Hassani Mnyani ‘Maarufu Ticha Majuto’aliyekuwa akiifundishi timu ya Moro kids ya watoto wenye umri wa kuanzia miaka 7 mpaka 16 na Hussein Mau[Mwenye kofia kichwani] aliyekuwa akiifundisha timu ya Moro Kids ya watoto wa miaka 16 mpaka 20. 

 

Vijana hao wanapofika miaka 20 Moro Kids huwapeleka timu za Mtibwa B, Azam B. JKT Tanzania na timu mbali mbali za Ligi daraja la Kwanza na la Pili. 

 

Mahojiano yetu na makocha hao yalikuwa hivi.

 

Mwandishi. Habari zetu walimu.

 

Ticha Mau. Njema karibu Shekidele kwenye duka letu la Vifaa vya michezo.

 

Mwandishi . Asante najua wachezaji wengi wanaong’ara Ligi kuu kwa sasa wamepitia kwenye mikono yenu kwa faida ya msomaji wa Mtandao wa Shekidele tutajie baadhi ya wacheaji hao.

 

Ticha Mau. Wako wengi sana baadhi yao ni Dickson Job, Kibwana Shomari. Nickson Kibabage.na Abuutwalib Msheri. [Yanga]

Shomari Kapombe, Mzamiru Yassini na Ladack Chasambi[Simba]

Pascal Msindo [Azam]

Shiza Kichuya[JKT Tanzania]

Offen Chikolla[Tabora United]

Hamad Waziri’Kuku’ Singida Big Stars

Na Masenga Tanzania Prisons.

 

Mwandishi. Kwa sasa wadau wengi wa soka hasa morogoro wanalalamikoa Kibwana shomari kukaa benchi na nafasi yake kuchezeshwa mchezaji wa mbele nyinyi kama makocha mlioibuka kipaji cha mchezaji huyo mnalipi la kusema ?

 

Ticha Mau. Hata sisi jambo hilo linatushangaza kiukweli Yao Yao Kwassi ni mzuri zaidi ya Kibwana alipoumia kwassi tulitarajia

Kibwana angecheza kwasababu ndiye mbadala wa Kwassi.

 

Hivyo Kitendo cha kocha kuendelea kumuweka benchi huku nafasi yake akicheza Nkane landa kuna tatizo la utovu wa nidhamu kwa mchezaji lakini kiukweli kibwana bado ni mdogo na taifa 

 

linamtegemea kwenye timu ya Taifa kitendo cha kocha kumuweka benchi ni kuua kipaji chake.

 

Mwandishi. Kwa maelezo hayo Je ukipewa nafasi ya kumshauri utamshauri nini Kibwana Shomari?

 

Ticha Mau. Nitamshauri atafute malisho sehemu nyingingine kulinda kipaji chake.

 

Mwandishi. Asante ticha Mau.

 

Kwa upande wake Ticha Majuto alipotakiwa kuelezea lile Pato la Kibabage na Chikola kwenye gemu ya Yanga na Tabora alisema.

 

“Shekidele bado lile lilinifurahisha sana wanangu kisoka Kibabage na Chikolla walionyeshana ufundi ndio maana leo nimevaa hii jezi ya Chikolla aliniletea wakati akiwa Geita Gold nyuma ina jina lake soma uone”alisema ticha Majuto na kuendelea kudadavua.

 

“ S Leo nimevaa ya Chikolla Kesho navaa jezi aliyoniletea Kibabage, wakati wakiwa na umri wa miaka 15 kwenye timu yangu Chikolla alikuwa akicheza nyuma na Kibabage mbele.

 

Kwa sasa Kibabege anacheza beki ya kushoto na Chikolla anacheza winga ya kulia juzi wamekutana na kuonyeshana umwamba Chikolla kaibuka mbeba kwa kupachika bao 2 mbele ya Kibabage”alimalizia kusema ticha Juto.

 

Clips Video ya mahojiano na makocha hao itaruka hewani hivi punde mitandao ya Shekidele ya lnstagram na Facebook

MWACHENI MUNGU AITWE MUNGU.MADENT 4 WENYE MATATIZO YA AKILI WAMEFAULU MTIHANI WA DARASA LA SABA.

Denti wa darasa la pili shule ya Msingi Nane nane Gidion Samwel[11]mwenye ulemavu wa viungo akiwa na mama yake mzazi Bi Eulester Ally.

 

Mwalimu Sarah   akizungumza na Mwandishi wa habari hizi huku akimuonyesha mmoja wamadent wenye ulemavu, pembeni yake aliyevaa shati jeusi ni Mwenyekiti wa shule hiyo Mzee Taiko..

 

 

 Na Dunstan Shekidele,Morogoro.

UKISTAAJABU ya Mussa Hutoyaona ya filauni. Wanafunzi wanne wenye matatizo ya Mtindio wa Ubongo wamefaulu mtihani wa darasa la saba huku baadhi ya madeni wenye akili timamu wakiferi mitihani hiyo.

Kama kawaida kila wiki Mwandishi wa Mtandao huu huzunguka mitaani kusaka habari  moto moto  na kuzirusha hewani kila jumatatu kwenye mtando Pendwa wa Shekidele.

Sote tunafahamu wiki iliyopita matokeo ya taifa ya Darasa la Saba yalitoka hadharani na wazazi wengi walizunguka kwenye mashule kuangalia matokeo hayo.

Kufuatia hali hiyo Mwandishi wa habari hizi alijiongeza akatinga shule ya Msingi Nane nane ambayo inadarasa maalumu la wanafunzi wenye matatizo mbali mbali ya ulemavu.

 Mwanahabari huyo alipofika kwenye shule hiyo alishuhudia baadhi ya wananchi wakishikwa na butwaa baada ya kushuhudia wanafunzi 4 wenye ulemavu wa Utingio wa Ugongo wakifaulu mtihani huo .

 “ Acheni Mungu aitwe Mungu tumefika hapa kuangalia matokeo wa darasa la Saba tumeshuhudia wanafunzi wenye matatizo ya akili wakifaulu kwenda sekondari huku baadhi ya wanafunzi wenye akili timamu wakiferi ”alisema mmoja wawananchi alijiyetambulisha kwa jina la Asha Bakari.

Ili kupata uthibitisho na ufafanuzi wa jambo hilo Mwandishi wa habari hizi alimtafuta Mwalimu wa Shule hiyo Sarah Sima ambaye ni Mkuu wa Kitengo cha watoto wenye ulemavu ndani ya shule hiyo.

“ Ni kwelie tunamshukuru Mungu wanafunzi wanne wenye matatizo ya akili wamefaulu mtihani wa darasa la saba kwa sasa kama ilivyo kwa wanafunzi wengine nao wanasubiri kupangiwa shule ili wakaanze kidato cha kwanza”alisema Mwalimu Sarah.

Alipotakiwa kuwataja wanafunzi  waliofaulu Mwalimu huyo huku akiwa na furaha alisema

“ Wanafunzi hao ni Ally Mmasi. Martin Francis.Alafa Mboma na Braiton Mapunda.”

Kwa upande wake Mwenyekiti wa Shule ya Msingi Nana nane Gogfrey Taiko alipohojiwa  alisema shule hiyo imeanzishwa Mwaka 2002 ikiwa na darasa hilo la watoto wenye changamoto mbali mbali za ulemavu.

”Hawa watoto wenye ulemavu nao wanahaki ya kupata Elimu tunaishukuru serikali  kuanzisha vitengo hivi vya Elimu kwa wanafunzi wenye ulemavu ona sasa wanafunzi wetu 4 wa shule yetu wamefaulu kwenda sekondari”alisema Taiko ambaye ni Polisi Mstaafu.