HABARI KALI YA KITAA. NYAYA ZA UMEME ZAZUA TAHARUKI MTAA WA MAKABURI ‘A

 ’

                              Na Dustan Shekidele,Morogoro.

KAMA kawaida Leo Jumanne Mtandao Pendwa wa Shekidele unaendelea na kipengele cha habari kali ya kitaa ambapo kila uchao kipengele hichi kinaendelea kujizolea umaarufu kwa habari kili za kitaa.

 

Katika kuthibitisha hilo wiki iliyopita wananchi wa Mtaa wa Makaburi ‘A’Kata ya Mji Mpya Mkoani hapa, walimtafuta Mwandishi wa Mtandao huu na kumuomba atinge mtaani kwao na fagio lake la Mtaa afagie kero yao.

 

Mtumishi huyo wa wananchi alitii wito huo na juzi Jumapili alifika na kushuhudi Nyaya za Umeme kulegea na kushuka jirani ya barabara jambo ambalo ni hatari kwa watumiaji wa barabara hiyo hasa nyakati za usiku.

 

Wakizungumza na Mtandao huu wazee wawili wa mtaa huo Ngwangwai Kasembi’Maarufu Baba yoyoo’na Mzee Mohamed Maarufu Baba Mwinyi’anayemiliki nyumba 3 kwa mpigo zinazoonekali kulia jirani na Nyaya hizo walisema.

 

“Angali hii hatari nyaya hizi za Umeme zimeshuka chini katikati ya barabara hii kubwa ambayo inatumiwa na watu wengi wanaoelekea hospital ya Mkoa wa Morogoro na stesheni kuu ta Treni”alisema Baba Yoyoo huku akionyesha Waya hizo.

Kwa upande wake Baba Mwingi ambaye moja ya nyumba zake hizo kuna mashine za kukoboa na kusaga nafaka alisema.

“Tumekuita wewe Mwandishi Shekidele labda kupitia wewe kero hii ya hatari itaondoka mtaani kwake, mimi nimetoa taarifa Makao makuu ya Tanesco Dodoma mara 3 nikapewa namba za taarifa lakini chaajabu zaidi ya wiki moja sasa hakuna hatua yoyote iliyochukulia” alisema Mzee huyo na kuongeza.

Huu utaratibu wa kutoa taarifa makao Makuu nahisi ndio changamoto kwani muhudumu huyu anapokea taarifa za nchini nzima hivyo utekelezaji wake unakuwa kama huu wa kusua sua”alimazima kusema mzee huyo huku akionekana kuwa na jazba.

Kufuatia malalamiko hayo Mwandishi wa habari hizi siku hiyo hiyo ya Jumapili alimtwangia simu Meneja wa Tenesco Mkoa wa Morogoro Fadhiri Chilombe alipoelezwa kero hiyo na hatua walichochukua wananchi hao ambazo zimeferi, Big Bosi huyo Tanesco Mkoa wa Morogoro alisema.

“Binafsi sina taarifa za tukio hilo hivyo ndugu Mwandishi naomba nielekeze eneo hilo kesho niwatuma mafundi wakalekebishe tatizo hilo”

Mwandishi alimuelekeza na kumueleza kwamba hiyo kesho naye atafuatilia mafundi kuona kama tatizo hilo limetatuliwa kwa usalama wa wananchi wanaotumia barabara hiyo.

Kesho Mtandao huu utatoa mrejesho wa habari hii kama mafundi hao wamefika mtaani hapo au la, hivyo endelea kuwa jirani na Mtandao huu muda wote.