A-Z UJENZI NYUMBA YA MLEMAVU MATAMA SEHEMU YA MWISHO.

Matama akimshukuru Mungu huku akimuombea Dua Shekidele Kwa kumsimamia Kwenye jambo lake.

 Matama akilipia kiwanja kwa Mwenyekiti wa Mtaa kulia ni muuzaji wa kiwanja hich Mzee Omar Mbezi

Bi Maua Said mke wa Matama naye aishiriki kusomba maji na kujaza kwenye pipa tayari kuanza ujenzi wa Msingi

                       Matama akiwa mbeke ya mjengo wake

lnjinia hayati Mzee Hussein na msaidizi wake wakichra ramani ya nyuma ya Matama

Matama akishuhudia hayati Mzee Hussein akichora ramani ya nyumba yake

                                         .....Shekidele akichimba msingi

                                               ......Matama akitoa udongo

                                Mungu ni mwema.nyumba imepauliwa

   Injinia  Hayati Mzee Hussein amekamilisha ujenzi wa msingi

                      ......Matama akiwa nje ya nyumba yake

Nyumba iliyojengwa na watu wa Mungu wadau wa Mtandao Pendwa wa Shekidee yenye nyumba 3 sebure,Jiko imekamiika hii hapa Mtanda huu unawashukuru watu wote walioguswa na changamot za ndugu yetu Matama na kuamua kuta michango iliyofanikisha kukamilika kwa nyumba hii
 

                  Na Dunstan Shekidele,Morogoro

NAFUNGA stori hii ya kumbukizi ya Ujenzi wa nyumba ya Mlemavu Mohamed Matama kwa kuwashukuru wote walioisikia sauti ya Mungu na kuniunga mkono kwenye jambo hili.

 

Kipekee niwashukuru wadau wote wa Mtandao Pendwa wa Shekidele pande zote za dunia ambapo wengi wao walituma pesa kutoka nje ya nchini na ndani ya nchini wakichangia ujenzi huo.

 

Pia navishukuru vyombo vya habari vilivyoniunga mkono kwenye harambee ya ujenzi wa nyumba hiyo, vyombo hivyo ni Global Publishers, TBC Taifa na Abood Media ambayo kupitia kipindi kilichokuwa kikiongozwa na Zuberi Mkalaboko walimuita Matama studio na kufanya naye mahojiano Live. 

 

      HAYATI MZEE HUSSEIN MUNGU AKUBARIKI.

 

Baada ya kuona ninavyopambana na ujenzi huo, lnjinia Mzee Hussein ambaye kwa sasa ni marehemu alinifuata na kunieleza hivi.

 

“ Shekidele nimeona unavyompambani ule Mlemavu Munngu atakubariki nami kama fundi nitakusapoti kwenye jambo hilo nitachora ramani na kujenga msingi bure ninachokuomba ni nauli kutunulia chakula mimi na msaidizi wangu na kutafuta vijana wa kuchimba msingi”alisema hayati Mzee Hussein pichani mwenye kofia.

 

Mwandishi wa habari hizi alimshukuru Mzee huyo na kutekeleza maagizo hayo, hilo la kuchimba msingi tulikosa pesa kwa wakati huo hivyo Shekidele na Mlemavu huyo walifanya kazi hiyo huku mke wa Matama Bi Mau Said akifanya kazi ya kusombelea maji.

 

Mungu Mkubwa ndani ya Mwaka mmoja tulipata pesa ya kununua kiwanja na kukamilisha nyumbani hiyo ambapo kwa sasa Mpendwa wetu Matama anaishi na mkewe huku chumba chao kikiwa na choo ndani[Master]

 

Juzi nilifika kwenye nyumba hiyo iliyopo kata ya Kichangani jirani na Karakana kuu ya Reli nikakutana na Mzee Omari Mbezi aliyetuuzi kiwanja hicho akisema.

 

“ Shekidele ubarikiwe sana kwa sasa sisi majirani wa Matama tunafura kubwa kila siku mpira tunaangalia bure nyumbani kwake nyakati za usiku watoto wetu wanakwenda kuongalia Filamu zinazirushwa Azam Two”

 

Mtandao huu unawashukuru wote waliochangia ujenzi wa nyumba hii malipo yenu mtayakuta kesho kwa Mungu namini hakuna mtu aliyefirisika kwa kumsaidia mwenye uhitaji. 

 

Nakili kutoka kwenye sakafu ya moyo wangu kwenye ujenzi wa nyumba hii sikutoa hata senti tano vitu nilivyotoa ni Taaruma yangu ya Uandishi wa habari, Nguvu zangu, vifaa vya ujenzi kama vile mapita ya maji na mbao za Linter, Muda wa mwaka mzima wa usimamizi wa nyumba hii na mafuta ya pikipiki kuzunguza mitaani Mwaka mzima. 

 

Ninachojivuni ni kwamba nimekamilisha kazi niliyotumwa na Mungu na nimeweka alama ya kuwa Mwandishi pekee Tanzania niliyetumia kazi yangu ya Undishi wa habari kumjengea nyumba ya kisasa Mlemavu Matama pichani anayemuombe dua Mwandishi wa habari hizi

HII KALI MLEMAVU ANGUA KILIO BAADA YA KUTAPELIA MSAADA WA PESA ALIOPEWA NA RPC.

 

                    Na Dunstan Shekidele,Morogoro.

MSANII Staa wa nyimbo za lnjiri nchini  Bahati Bukuku amehubiri kupitia wimbo akisema ‘Dunia haina huruma’.

Kweli kuna baadhi ya watu hapa duniani hawana huruma, wakati Mwandishi wa habari hizi akipambana kusaka pesa za kumjengea nyumba Mohamed Matama ambaye ni Mlemavu wa Miguu.

Matapeli wametumia fursa hiyo kumtapete mlemavu huyo  elfu 50 alizopewa msaada na aliyekuwa kamanda wa Polisi Mkoa wa Morogoro’RPC’ SACP Urlch Matei.

           PICHA HILO LILIKUWA HIVI.

Mbali na kuendesha harambee  kwenye Mtandao Pendwa wa Shekidele,Mwanahabari huyo pia alizungunza na Mlemavu huyo kwa viongozi na na Mtajiri wa Mkoa wa Morogoro kuomba msaada.

 

 Dunstana Shekidele na Matama walitinga Ofisi wa RPC Matei Ghorofa ya kwanza kwa kuwa Ghorofa hilo halina lifti Mlemavu huyo kwa Ujasiri alitambaa na kupanda ngazi mpaka juu ya ghorofa hilo.

Mungu ambariki sana RPC Matei tulipofika tu ofisini kabla ya kumueleza shinda yetu RPC huyo alisema

” Du huyu jamaa kapandaje ngazi shekidele ungenipigia simu nije huko chini tuzungumze mbona kuna ofisi nyingi kuliko kumpa adhabu ndugu yetu huyo ya kupanda huku”

Mwanahabri huyo alimuomba msamaha ‘Big Bos’ huyo wa Polisi Mkoa Morogoro na Moja kwa Moja  alimueleza shida za Mlemavu huyo ambapo RPC Matei aliguswa na kumkabidhi Msaada wa elfu 50 huku akisema

“ Shekidele ubarikiwe sana kwa kazi hii unayoifanya kwa sasa ninakiasi hichi kidogo naomba mkipokee mwisho wa mwenzi nitachangia kiasi kingine “alisema RPC huyo.

Kabla hayatimiza ahadi yake hiyo RPC Matei halihamishiwa Mkoa wa Mbeya, Mtandao huu unazidi kumuombe baraka nyingi  na wote waliochangia ujenzi wa nyumba hiyo.                                   UTAPELI SASA.

Matama ni muunini wa dini ya kiislamu aliyejaliwa kuswali swala 5 hivyo wakati tunatoka Polisi muda wa kwenda Msikiti ulifika.

 

Baada ya kutoka Msikiti njini alikutana na Matapeli wanaofuatilia habari za harambee ya ujenzi wa nyumba yake kwenye Mtandao wa Shekidele, Magazeti na Redio.

Matapeli hao wakamsimamisha na kumueleza  hivi.

“Tunaona Shekidele anakupambani sana bosi wetu ameona habari zako hivyo ametutuma tukutafute  akuchangie mabati na Cement sasa kama una lakini moja tupe tukodi gari sasa hivi twende na wewe ukavibebe vitu vyako”

Matama aliwaambia  kwa muda huo alikuwa na elfu 50 tu Matapeli hao wakajifanya kumpigia simu bosi wao, baada ya kukata simu hiyo ya uongo wakamueleza Matama kwamba bosi wao ametuma elfu 50 hivyo awape hiyo 50 waende kwa wakala wakatoe wakodi gari wampitie waende kuchukua vifaa hivyo.

Matama  amezama msukoni na kuwakabidhi pesa, wajomba wamelala mbele wakimuacha matama akiendelea kusubiri kwa zaidi ya masaa 2 bila mafaniko.

Ndipo alipoamua kumpigia simu Shekidele huku akiangua kilio Mwanahabri huyo alipofika  awari alibeba jukumu la kumbembeleza na kumueleza maeneo ya faraja  aliokaa sawa nikamruhusu erejee nyumbani tuonane kesho.

SEHEMU YA PILI MLEMAVU MATAMA KUJENGEWA NYUMBA NA MUNGU.

               Na Dunstan Shekidele,Morogoro.

SEHEMU ya kwanza ya habari hii ya kumbukizi ya Mlemavu Mohamed Mtama kujengewa nyumba na Mungu imeruka juzi kwenye Mtandao Pendwa wa Shekidele,Leo tunaendelea na sehemu ya pili.

Wakati mazungumzo  na Mlemavu huyo ya kuibiwa baiskeli  na Vibaka [Mateja] wakaenda  kuuza vyuma chakavu yakiendelea aliomba kwenda chooni kujisaidia.

Choo kilikuwa umbali wa takribani  mita 20 kutoka kilipo chumba chake na kwamba kipindi hicho kilikuwani kipindi cha Mvua za Masika.

 

Mwandishi alishangaa kuona Matama anasindikizwa na mkewe alipouliza, Matama alisema Choo chao kina changamoto nyingi  hivyo kwa hali yake lazima apate msaada wa mkewe.

Mwanahabari huyo alitoka nje na kushuhudia Matama akitambaa na mikono kabla ya kufika chooni alizama kwenye dimbwi la maji machafu.

Kwenye kimfereji hicho wapangaji wenzie waliweka kidaraja cha mbao kuvuka kuelekea Maliwato[Chooni].

Inauma sana Aisee,Choo hicho nimeezekwa na mabati chakavu hivyo kufuatia mvua kubwa ndani kimejaa tope zito lillochanganyika na kinyesi.

Bi Mau Said Mwenye mapenzi ya kweli kwa  Mume’we  alimfungulia Mlango akatambaa na mikonono akaingia kwenye choo hicho kilichojaa tope lililochanganyika na kinyesi.

Ama kwa hakika hali hiyo iliniumiza  Moyo wa Mwandishi wa habari hizi na kwamba ndani ya muda mfupi alisikia  sauti ya Mungu  ikimuagiza kumnunulia baiskeli na kumjengea nyumba kupitia kazi yake ya Uandishi wa habari.

Mwanahabari huyo alitii sauti hiyo na moja kwa moja akamjulisha  Matama kuhusiana na agizo hilo nililopewa na Mungu.

Kama tunavyojua kila kitu kinakwenda na ushahidi hivyo Mwandishi huyo alimuomba Matama ampige picha  aklwa kwenye mazingira hayo magumu na hatarishi kiafya.

Matama alikubali ombi hilo hivyo Mwanahabari huyo aliacha kazi zote na kufanya kazi hiyo aliyotumwa na Mungu ambapo alianzisha harambee ya kumnunua baiskeri na kumjengea nyumba mpendwa wetu huyo harambee hiyo niliifanya kwenye Mtandao pendwa wa Shekidele na kwenye vyomba mbali mbali vya habari.

Wadau wa Mtandao huu wanakumbuka vizuri harambee hiyo,ambapo wengi wao walichangia ujenzi huo huku  wengine walitupatia Cement na wengine Mabati ambapo vitu hivyo tulivisafirisha kwa usafifi wa baiskeli ya Matama na Pikipiki ya Mwandishi wa habari hizi  kwenda kuvihifadhi kwenye chumba cha Matama.

 Mungu awabariki wote mliochangia  mmeweka alama ambayo mtakufa nayo hata kama ulinunua tofari moja.

Mungu Mkubwa ndani ya Miezi miwili Mwanahabari huyo alipata Pesa  za kununua baiskeri na kiwanja.

Wengi walichangia baada ya kuguswa walipoziona  picha za Matama zilisokwenda sambamba na habari ya kusigitisha.

 Mwenyekiti wa Mtaa wa saadan hayati Hassan Msungi pichani mwenye suti  alichangia Loti moja la Mchanga na kuruhusu tofari 300 za msingi zifyatuliwe nyumbani kwake.

 Baadae zitaruka picha za nyumba hiyo toka msingi mpaka kukamilika hivyo endelea kuwa jirani na Mtandao huu muda wote.

 

WEMA ALIOFANYA HAYATI MSUNGI KWA MLEMAVU MATAMA HUU HAPA.

Matama na mkewe wakizungumza na Mwandishi wa habari. 

Matama akitabasau na kuendelea na baishara yake baada ya kupata baiskeli mpya.

Matama akimbaidhi pesa hizo Mwenyekiti wa Mtaa kulia ni Mzee Omari Mbezi aliyetuzia kiwanja hicho.

Shekidele na Matama wakiwa kwenye Pikipiki wakienda kununua Kiwanja.

       Shekidele akimkabidhi Matama Milioni moja na Nusu
            Na Dunstan Shekidele,Morogoro.

KABLA ya kutaja wema aliofanya aliyekuwa Mwenyekiti wa Serikali ya Mtaa wa Saadan Hayati Hassan Msungi kwa Ndugu yetu Mohamed Matama ambaye ni Mlemavu wa Miguu, nieleze kwa ufupi sababu za Mwenyekiti huyo kuguswa na kutoa msaada huo.

Matama anayeishi Mtaa wa  River Side Kata ya Mwembesongo jirani kabisa na Mtaa wa Saadan anaendesha Maisha yake kwa biashara ya kuuza Maji Mitaani na kwenye viwanja wa Mpira akitumia usafiri wa baiskeli.

 Takribani Miezi miwili Mwandishi wa habari hizi hajamuona Matama Mtaani wala kwenye viwanja wa Mpira jambo ambalo si kawaida yake.

  Hali hiyo ilimsukuma Mwandishi huyo  kwenda nyumbani kwake kumjulia hali na kujua kipi kinamsibu.

 Alipofika alimkuata Matama amejikunyata na Mkewe Bi Maua Said na alipoulizwa kulikoni haonekani alijibu.

“ Shekidele kwanza ubarikiwe sana kwa moyo wako wa huruma,kilichonifanya sionekani mtaani kwa muda mrefu ni Vibaka[ Mateja] wameiba miguu yangu kama unavyojua baiskeri yangu haingia ndani mlango ni mdogo  miaka yote inalala hapo Nje.

Sasa Mwezi uliopita Mateja hao wamekuja na Misumeno wameikata kata  na kwenda kuuza  vyuma chakavu kulipokucha mimi na mke wangu  tumeshuhudia mabaki ya vyuma ilituumiza sana  kwa sasa mimi na mpendwa mke wangu hatuna uwezo wa kupata laki moja na Nusu  kununua baiskeri nyingine ndio maana umeona sielewi nipo tu nyumbani” alisema Matama kwa sauti ya kinyonge.

Alipoulizwa kwa sasa anapataje pesa ya matumizi?

Alijibu.” Kukicha mke wangu anakwenda kufanya kazi ya kufua kwenye majumba ya watu akilipwa elfu 4 au 5 tunanunua chakua maisha yanaenda”

Kuptia Mwandishi wa habari hivi Mungu amefanya jambo Matama amepata baiskeri mpya kama hiyo haitoshi amenunua kiwanja na kujenga nyumba kubwa ya kisasa, nini kimetokea endelea kuwa jirani na Mtandao huu muda wote.

                         

 

 

 

 

 

 

UCHAGUZI SERIKALI ZA MTAA FAMILIA YA MSUNGI UPINZANI WAO NI KAMA ULE WA SIMBA NA YANGA.

Kassim kushoto akipinga kauli ya Ally [kati mwenye koti] kulia ni Wazee wakifuatilia mahojiano haya.

 
                    Na Dunstan Shekidele,Morogoro.

 MWENDELEZO wa Stori ya Familia ya Msungi na hii imetokana na kifo cha Mpendwa wetu Mwenyekiti wa zamani wa Mtaa wa Saadan Kata ya Mwembesongo, hayati Hassan Msungi aliyefariki wiki iliyopita kwenye ajari iliyotokea Nane Nane eneo la Jordan mkoani hapa.

Jana Mtandao huu ulishia kwenye kipengele cha Mwenyekiti wa sasa wa Mtaa huo Ally Msungi ambaye alinyakua kiti hicho kwa leseni ya CCM baada ya kumbwaga kaka yake,Hayati Hassan Msungi aliyeongoza mtaa huo kwa vipindi viwili kwa leseni ya Chama cha Wananchi CUF toka Mwaka 2009 mpaka 20014.

 

Kwenye uchaguzi  wa Mwaka 20019 CCM Kata ya Mwembesongo waliamua kumteua Ally Msungi kupambana na kaka yake.

Wiki iliyopita baada ya mazishi ya Hassan Msungi Mwandishi wa habari hivi alimtaka Ally  kueleza namna alivyomshinda kaka yake aliyekuwa kipenzi cha wana Mtaa huo.

                 MSIKIE ANACHOSEMA.

“ Kila kitu ni kwa zamu kaka  baada ya kuongoza  wa vipindi viwili, uchaguzi wa 2019 niliamua kuingiza timu  kupambana naye nikipeperusha bendera ya chama dume  CCM”Alisema Msungi na kuongeza.

“Mwisho wa siku nilimshinda  mpaka sasa naendelea kuongoza mtaa ambapo uchaguzi wa mwaka juzi 2024 nilishinda tena kwa kishindo”alimalizia kusema.

Hata hivyo Kauli hiyo ilipingwa vikali na Kassim ambaye ni mdogo wao wa mwisho.

“ Sio kweli Shekidele kumbuka uchaguzi wa 2019 wagombea wengi akiwemo kaka Hassan walieguliwa ndipo huyu kaka Ally alipopata nafasi ya kupita bila kupingwa wangeingia wote kwenye sanduku la kura kaka Ally ungepigwa asubuhi na mapema”alisema

 

Mtandao huu ulipomuliza Ally ni kweli alivyosema Mdogo wake  alijibu.

“ Ni kweli lakini kabla ya kaka kuegeliwa kilipigwa kwenye kampeni za awari za nyumba kwa nyumba labla hayati kaka yangu kueguliwa na tume ya uchaguzi”Alisema Ally huku akiangua kicheko.

Mwandishi. Hebu tueleze siku mlivyokabidhiana ofisi ilikuwa je?

 

Ally. Haa Shekidele siunajua kaka yangu dini ilimkaa sana kiukweli alinikabidhi ofisi vizuri na nikili kwenye uongozi wangu pale nilipokwama nilimfuata na alinipaushirikiano mzuri sana.

 

Mtandao huu ni shuhuda Ally[Pichani aliyekaa] amefuata nyayo za kaka yake ambapo kwa sasa wananchi wa Mtaa wa Saadani huwaambi kitu juu ya utendaji mzuri wa  Mwenyekiti wao huyo.

Baadae tutamalizi stori hii kwa kueleza wema aliofanya hayati Msungi[Pichani aliyesimama] wakati Mwandishi wa habari hizi alipoendesha harambee ya kumjengea nyumba Mlemavu wa Miguu Mohamed Matama.

                         

MSUNGI ASIMULIA ALIVYOMBWAGA KAKA YAKE NAFASI YA UWENYEKITI WA MTAA.

 Hayati Hassan Hussein Msungi aliyesimama enzi za Uhai wake.

Ally Hussein Msungi aliyeketi akizungumza na Mtandao huu juzi.
            Na Dunstan Shekidele,Morogoro.

FAMILIA ya hayati Mzee Hussein Msungi wanakipaji cha Uongozi?

Jibu la Swali hilo unaweza kulipata kwenye Stori hapo chini.

Toka Mwaka 2009 Mtaa wa Saadan Kata ya Mwembesongo Mkoani hapa unaongozwa na familia ya Msungi.

Hii si kwa bahati mbaya bali ni kipaji cha Uongozi walichojaliwa Familia hiyo ya Msungi.ambapo Mwaka 2009 Hassan Msungi akiwa kijana Mdogo alijitosa kugombea nafasi ya Uwenyekiti wa Mtaa wa Saadan kwa leseni ya Chama Cha Wananchi [CUF] na kufanikiwa kuibuka kidedea baada ya kuwashinda Wagombea wa vyama vingine akiwemo Mgombea wa Chama tawara ‘CCM’

Huku akiongozwa na hofu ya Mungu kufuatia kuisoma Dini ya Kiislamu vizuri,aliwatumikia kwa uaminifu mkubwa Wananchi wake hali iliyopelekea kushinda kwa kushindo kwenye uchaguzi uliofanyika Mwaka 2014.

Kufuatia hali hiyo Uchaguzi wa Mwaka 2019 Uongozi wa CCM Kata  ya Mwembesongo “ulijiongeza’na kuamua kumpitisha Ally Msungi kupambana na kaka yake.

 

Katika uchaguzi huo Mdogo mtu Ally Msungi alifanikiwa kushinda ambapo naye kwa Uongozi wake mzuri mpaka sasa anaendelea kuongozo mtaa huo na wana Mtaa  uwaelezi lolote juu ya Ally Msungi. 

Wiki iliyopita Mtandao huu umefanikiwa kuzungumza na Ally  ambapo ameelezea A-Z alivyomshinda kaka yake ambaye wiki iliyopita alifariki dunia kwenye ajali eneo la Nane nane.

Simulizi hiyo endaendelea baadae hivyo endelea kuwa jirani na Mtandao huu muda wote.                   

                    

WASIFU MZITO WA MWENYEKITI WA MTAA HAYATI HASSAN MSUNGI.

Hayati Hasan Msungi mwenye suti aliyesimama enzi za Uhai wake.

  Ally Msungi akizungumza na Mtandao huu juzi.

           Na Dunstan Shekidele,Morogoro.

MPENDWA Msomaji wa Mtandao Pendwa wa Shekidele, jana tuli ripoti habari ya aliyekuwa Mwenyekiti wa Serikali ya Mtaa wa Saadan Kata ya Mwembesongo Mkoani hapa,Hassan Hussein Msungi[46].aliyefariki wiki niliyopita kwenye ajali iliyotoka maeneo ya Nane Nane.

Katika habari hiyo tuliahidi leo kurusha Wasifi Mkubwa wa hayati Msungi,aliyekuwa kipenzi cha Wana Mwembesongo na Morogoro kwa ujumla.

            WASIFU WAKE  HUU HAPA.

Akihojiwa na Mtandao huu msemaji wa familia Ally Msungu alitoa wasifu wa kaka yake kama ivuatavyo.

Hayati Msungi alizawali Mwaka 1980 Mtaa wa Saadani kata ya Mwembesongo,alisoma Shule ya Msingi Mwembesongo, na baadae akaenda  kusoma shule ya dini Mkoa lringa  inayojulikana kwa jina la Dur- Dabal.

Msema huyo ameendelea kusema, baada ya kumaliza elimu hiyo alirejea Morogoro na moja kwa moja alichaguliwa kuwa kiongozi wa dini ya Kiislamu mkoani Morogoro katika ofisi za Al-Masid akiwa msemaji wa Taasisi hiyo.

Kama hiyo haitoshi hayati Msungi alikuwa Mwanaharakati wa Umoja wa Vijana wa Kiislamu katika taasisi ya Tanzania,akijihusisha na kutoa Misaada  katika Vituo vya watoto yatima Tanzania.

          NDANI YA UWANJA WA SIASA.

Hayati Msungu aliyeacha Mjane mmoja na watoto watano alikuwa Kiongozi wa chama cha Wananchi CUF akishika nafasi ya Ukurugenzi wa Mipango na Uenezi wa Chama hicho Wilaya ya Morogoroo.

Aidha hayati Msungi alifanikiwa kikubwa Chama Cha Mapinduzi[CCM] nakufanikiwa kushinda uchaguzi Mkuu wa serikali ya Mtaa wa Saadan kwa Vipindi viwili mfurulizo  Mwaka. 2009 na 20014.

Uchaguzi wa Mwaka 20019 Hayati Msungi alibwagwa na Mdogo wake Ally Msungu anayeongoza mtaa huo mpaka sasa.

Ally MsungI aliyeshinda kwa leseni ya CCM alisimulia A-Z alivyopambana na kaka yake na kufanikiwa kumshinda, huku ndugu Mwingine wa Familia ya Msungi akiingilia kati akipinga maelezo ya Ally kwenye usnidi huo.

Utamu wa habari hiyo utaruka hivi punde hivyo endelea kuwa jirani na Mtandao Pendwa wa Shekidele muda wote.