BINGWA WA DISKO AFRIKA MASHARIKI NA KATI AKIFANYA YAKE MOROGORO

KUMBUKIZI

BINGWA wa kusakati Disko Ukanda wa Afrika Mashariki na Kati Maneno  Mohamed Ngedere Maarufu ‘Super Ngedere’ akifanya yake ndani ya Ukumbi wa King Tom barabara ya Stesheni Mkoni Morogoro akishushiwa Sebene na Band ya Maisha Mapya ’Wana Full Vipaji’.

Ifahamike Super Ngedere  alitwaa ubingwa huo Miaka ya 90 akiushikilia  mpaka sasa baada ya mashindano hayo kusimama kwa muda mrefu.

Kabla ya kutwaa ubingwa huo  Super Ngedere awari alitwaa ubingwa wa Disko Mkoa wa Morogoro na baadae ubingwa wa Disko Tanzania uliompa tiketi ya kushirki mashindano hayo makubwa ya Afrika Mashariki na kati.

Kwenye mchezo wa fainali ya kugombea ubingwa huo Super Ngedere akimgaragaza bingwa wa kusakati Disko nchini Kenya Kanda Kid aliyeambulia nafasi ya pili.

Ikumbukwe Super Ngedere Mkazi wa Mji Mpya Morogoro ni kaka wa damu wa Asha Mohamed Ngedere aliyekuwa akiigizwa na kundi la Vichekesho la Original Komedy la Kina Joti, Mpoki, Masanja Mkandamizaji, Wakuvanga na wengineo

 Picha na Dunstan Shekidele Morogoro.